Niseme Nini?

KIITIKIO: Niseme nini Ee Bwana? Nitamke maneno gani kinywani? Nikushuru jinsi gani? Nisimulie vipi mimi, mapito niliyopita kuja hapa? Nikutukuze vipi Mungu? Niseme tu (Bwana) Mungu (wangu); asante nakushukuru. Narudia (Bwana) Mungu (wangu); Asante nakushukuru. 1. Nakumbuka nilivyojaribu; Sikujua kama utajibu; nikapapasa mkono gizani, kulipokucha ni tunda mkononi. 2. Katikati ya safari maji yote yakamwagika chini. Lakini kwa wema wako ukayazoa yakajaa upya. 3. Nilipigwa mawe, nikaaibishwa mimi, tazama leo umeniona; ukamtukuza mtumishi wako.